အရင်ဦးဆုံး CAN ဆိုတဲ့အဓိပ္ပာယ်ကတော့ Controller Area Network လို့အဓိပ္ပာယ်ရပါတယ်။ CANOpen ဟာ Industrial Automation မှာအသုံးများတဲ့ Protocol တစ်ခုဖြစ်ပါတယ်။ သူ့ကို PLC နဲ့ တခြား Controller တွေနဲ့အတူ Device ပေါင်းများစွာအတွက်လိုအပ်တဲ့ Data တွေကို မျှဝေဖို့အတွက်အသုံးပြုပါတယ်။
ဒီ CAN မှာဆိုရင် ထင်ရှားတဲ့ Configuration သုံးခုရှိပါတယ်။အဲ့တာကတော့ Ring, Star နဲ့ Bus Topology တွေပါပဲ။ CAN ရဲ့ Language ဟာ Morse Code လိုပဲ On and Off electrical pulse ကိုအသုံးပြုထားပါတယ်။ ဒီMessage တွေမှာDigital Low Voltage နဲ့ High Voltage အပြောင်းအလဲတွေပါဝင်ပါတယ်။ Binary Code 1s နဲ့ 0s ပုံစံလိုမျိုးပေါ့။ CAN မှာလည်း CAN A, CAN B, CAN C ဆိုပြီးတော့ရှိတယ်။
CAN A - Low Speed 10kbps.
CAN B - Medium Speed 33 to 250kbps.
CAN C - High Speed 250 kbps to 1 Mbps.
အလွယ်ဆုံး တစ်ခုမှတ်ထားရမှာကတော့ "Data Transmission Speed မြန်လေ ဈေးကြီးလေ" ဆိုတာပါပဲ။
အခုကတော့ CANOpen အကြောင်းပဲ အဓိကထားရေးသွားပါမယ်။
ပထမအောက်မှာပြထားတဲ့ CANOpen architecture မှာ Wire သုံးခုပါတာတွေ့ရလိမ့်မယ်။ CAN_High, CAN_Low နဲ့ CAN_Ground ဆိုပြီးတော့ပေါ့။ ဒီ Protocol ကိုခွဲခြားဖို့အတွက်ပစ္စည်းတစ်ခုလိုလိမ့်မယ်။ အဲ့တာက Terminating Resistor ပဲ။ သူ့ကို LT ဆိုပြီးဖော်ပြထားပါတယ်။ အဲ့တာကဘာဖြစ်လို့လိုအပ်သလဲဆိုရင် ဘယ် Node မှာစပြီး ဘယ် Node မှာဆုံးလည်းဆိုတာသိချင်လို့ပါပဲ။ အဲ့တာမပါရင်, Node တစ်ခုနဲ့တစ်ခု ချိတ်ဆက်မှုမရှိပါဘူး။ Resistor ရဲ့ တန်ဖိုးဟာ 120 Ohms ဖြစ်ဖို့တော့လိုအပ်ပါတယ်။ CANOpen အတွက် သီးခြား Ground Signal ကို Common Reference အနေနဲ့သုံးထားပါတယ်။
Types of CanOpen Network Topologies
===============================
သူ့မှာအဓိက Topology သုံးခုရှိပါတယ်။
1.Basic Topology
2.Topology with Repeater
3.Bridge Topology ဆိုပြီးဖြစ်ပါတယ်။
Basic Topology
=============
သူ့မှာ ချိတ်ဆက်မှုကိုအဆုံးသတ်ဖို့အတွက် Line Termination Resistor ကိုအသုံးပြုထားပါတယ်။ဒါအပြင် CAN Tap ကိုလည်းသုံးထားပါတယ်။
ဒီ CAN Tap ကြောင့် Star Topology လိုမျိုးအပြည့်မဟုတ်ပေမယ့် တစ်စိတ်တစ်ပိုင်းပုံစံမျိုးဖြစ်လာတာကိုတွေ့ရပါလိမ့်မယ်။ ဒီ Tap မှာ အမျိုးမျိုးသော Node မှလာတဲ့ CANOpen ကြိုးတွေကို တိုက်ရိုက်ချိတ်ဆက်လို့ရမယ့် Plug-Type Port တွေပါတဲ့အတွက်ကြောင့် Open Wire နဲ့ Node တွေနဲ့ချိတ်ဆက်မယ့်လိုအပ်ချက်တွေမရှိတော့ပါဘူး။
ဒီ Basic Topology မှာ Open နဲ့ Loose wire တွေက လက်တွေ့မှာလိုက်နာဖို့မသင့်ပါဘူး။ ဒီကိစ္စကိုကျော်လွှားချင်ရင် Drop Cables တွေကို တတ်နိုင်သမျှ လျော့ပါလို့ပဲအကြံပြုထားပါတယ်။
Topology with Repeater
====================
ဒုတိယအမျိုးအစားကတော့ Repeater Technology ကနေဆင်းသက်လာတာပါ။ အဲ့တာက အကွာအဝေးအရှည်အတွက် Signal တွေကို Booster ပေးဖို့သုံးပါတယ်။ အကွာအဝေးရှည်ပြီး သုံးရမယ့် Device တွေများလာရင် Repeater ကိုသုံးပါတယ်။ ဒီ Repeater ကြောင့် 64 nodes အထိသုံးနိုင်ပါတယ်။ သူက Group တွေထဲကို သီးသန့်လုပ်ပေးနိုင်တာကြောင့် Node တွေထဲက Group တစ်ခု Fail ဖြစ်ခဲ့ရင် ကျန် Group တွေကအရှိအတိုင်းအလုပ်လုပ်နေမှာပါ။
Bridge Topology
==============
Bridge မှာလည်းအပေါ်ကပြောခဲ့သလို Repeater ပါပါတယ်။ မတူတာက Repeater အထာအသိုမတူတာပါ။ CANOpen ကွန်ရက်တစ်ခုလုံးကို CAN တံတားကနေတစ်ဆင့် အနည်းနဲ့အများသီးခြားခွဲထုတ်နိုင်တဲ့ကွန်ရက်ခွဲများအဖြစ်ခွဲခြားပေးနိုင်ပါတယ်။ ဒီ ကွန်ရက်ခွဲတစ်ခုစီမှာ သူရဲ့ကိုယ်ပိုင် Transmission Speed ရှိပြီး Store and Forward Principle အပေါ်မှာအခြေခံပါတယ်။
Reference : Instrumentationtools, Motor
Comments
Post a Comment