Self-learning Robots and Cobots for Machine Learning in Industrial Automation

    Industrial Automation ရဲ့သိသာတဲ့ပြောင်းလဲမှုဖြစ်စဉ်ကိုသိပ်မကြာတဲ့အနာဂါတ်ကာလတစ်ခုမှာကြုံတွေ့လာရတော့မှာပါ။စဉ်ဆက်အပြတ်နဲ့အရှိန်ပြင်းပြင်းတိုးတက်လာတဲ့နည်းပညာဟာကုမ္ပဏီရဲ့လိုအပ်ချက်များကိုဖြည့်ဆည်းပေးဖို့အတွက်အထောက်အကူတစ်ခုဖြစ်လာပါတယ်။အဲ့ဒီထဲမှာမှ AI(Artificial Intelligence) ဟာအဓိကကျတဲ့နေရာမှာပါဝင်နေပါတယ်။အထူးသဖြင့် ML(Machine Learning) ဆိုရင်ပိုမှန်ပါလိမ့်မယ်။ အခုဖော်ပြမယ့်အကြောင်းအရာဟာ Industrial ထဲမှာ Machine Learning သို့မဟုတ် AI ကို ဘယ်မှာသုံးနေကြသလဲဆိုတာသိဖို့အတွက်ရည်ရွယ်ပြီးရေးထားတာပါ။

    အခုဖော်ပြမှာကတော့ ကုန်ထုတ်လုပ်မှုမှာ Machine Learning အသုံးပြုမှုအတွက်အသုံးချပုံနမူနာများကိုဖော်ပြမှာပါ။အဲ့တာတွေကတော့

- Self-learning Robots & Cobots

- Environmental Monitoring in Factory Automation

- Operations and Process Management with AI Based Smart Glasses

-Edge Computing and Intelligent Sensors တို့ဖြစ်ပါတယ်။အခုအကြောင်းအရာကတော့ Self-learning Robots & Cobots အကြောင်းကိုအရင်ရေးသွားမှာပါ။

Self-learning Robots and Cobots

    Manufacture သမားတွေဟာ Robot တွေကိုစတင်အသုံးပြုတဲ့အချိန်ကစပြီး သူတို့ရဲ့အဓိက အားစိုက်မှုကို‌ ပြောရမယ်ဆိုရင် Mass Production လုပ်ငန်းတွေမှာ Repeatable Processes တွေကို ပိုမိုမြန်ဆန်ဖို့နဲ့ထုတ်ကုန်တွေကိုကောင်းမွန်ဖို့အတွက်ပဲအာရုံစိုက်ကြတာပါ။ ဒီသမာရိုးကျ Robot တွေဟာ Self-learning mechanism ရဲ့ ပေါင်းစပ်မှုနဲ့ သိသာတဲ့တိုးတက်မှုဖြစ်အောင်လုပ်ရင်လုပ် ဒါမှမဟုတ် သူတို့ရဲ့နေရာကို Collaborative Robot (တစ်နည်းအားဖြင့် Cobots) တွေနဲ့အစားထိုးရင်ထိုးဖို့ လုပ်လာကြပါတယ်။ Computer Vision (Smart Image Processing) , Integrated Sensor Technologies နဲ့ Machine Learning ရဲ့အကူအညီတွေနဲ့ပဲ Company တွေရဲ့ရည်မှန်းချက်တွေကိုဖြည့်ဆည်းပေးနိုင်ပါတယ်။

    သမာရိုးကျ Robot နဲ့ Self-Learning Robot တွေရဲ့ခြားနားချက်ကတော့ သမာရိုးကျ Robot တွေဟာပေးထားတဲ့ Programming တွေနဲ့အတူတခြားမည်သည့်အခြေအနေတွေပဲဖြစ်ဖြစ် ဒီအလုပ်ကိုပဲ မည်သည့်ပြောင်းလဲခြင်းမျိုးမှမရှိဘဲနဲ့လုပ်ဆောင်တာပါ။ Self-Learning Robot ကတော့တိကျတဲ့ Programming တွေကိုမွမ်းမံမှုတွေမလိုအပ်ပဲနဲ့ချိန်ညှိပေးနိုင်သလိုသင်ယူစေခြင်းဖြင့်သူရဲ့ပတ်ဝန်းကျင်ဒါမှမဟုတ်ဒေတာထည့်သွင်းမှုများနဲ့အချိန်ကာလကြာလာတာနဲ့အမျှ၎င်း၏စွမ်းဆောင်ရည်ကိုမြှင့်တင်ပေးနိုင်ပါတယ်။တစ်နည်းပြောရရင် အလုပ်တစ်ခုမှာတစ်သမတ်တည်းဒီအလုပ်ကိုမပြောင်းမလဲလုပ်တဲ့သူနဲ့ Creative ရှိပြီးပတ်ဝန်းကျင်အခြေအနေပေါ်လိုက်ကြည့်ပြီးတော့ ပြောင်းလဲအလုပ်လုပ်တဲ့သူနှစ်ယောက်ရဲ့ပုံစံကိုနှိုင်းယှဉ်ကြည့်ရင်ဒီသဘောတရားနဲ့အတူတူပါပဲ။

    Self-Learning Robot တွေမှာဘယ်လို Technique တွေသုံးလာလဲဆိုတော့ Reinforcement Learning နဲ့ Unsupervised Learning တွေကို Camera တွေနဲ့အသုံးပြုပါတယ်။

Collaborative Industrial Robots or "Cobots"

    Cobot ဆိုတာဟာလူနဲ့အတူအပြန်အလှန်ဆက်ဆံရန်ဒီဇိုင်းထုတ်ထားတဲ့စက်ရုပ်များအဖြစ်သတ်မှတ်ထားတာပါ။ Cobot တွေမှာ ရှုပ်ထွေးလှတဲ့ Machine တွေနဲ့ အတူ Sensors, Integrated Image Processing အပြင် Protected Moveable Parts(Arms) တွေပါတပ်ဆင်ထားပါတယ်။သူတို့ဆီရဲ့အစိတ်အပိုင်းမှာ Jamming ဖြစ်တဲ့အပိုင်းမရှိတာကြောင့်လူတွေနဲ့အလုပ်လုပ်ရာမှာလွယ်ကူလှပါတယ်။ ဥပမာ Assembly Line တွေမှာ Cobot နဲ့အတူ လူတွေတွဲပြီးတော့အလုပ်လုပ်ကြပါတယ်။

    

Reference: Avnet