Gain & Offset

    လောလောဆယ် အရင်ပုံထဲက XY Graph အကြောင်းကိုပဲ အရင်ပြောပါမယ်။ X-Axis က Digital Decimal ကို ကိုယ်စားပြုတာဖြစ်ပြီးတော့ Y-Axis ကတော့ Analog တန်ဖိုးကိုပြောတာပါ။ Analog တန်ဖိုးဆိုတာတွေကတော့ Voltage တို့ Current တို့ကိုပေါ့။ အခုပုံမှာက Maximum Digital ကို 1000 နဲ့ Maximum Analog ကို 5V or 20mA လို့သတ်မှတ်ထားတယ်။

Gain

    Gain ကို Digital 1000 မှာရှိတဲ့ Calibration Line ရဲ့ Angle သို့မဟုတ် Slope ပေါ်မူတည်ပြီးတော့ ပြောင်းလဲနိုင်တယ်။ Gain Value အမျိုးအစားကတော့ ၃မျိုးရှိတယ်။ ပုံနဲ့စာ ယှဥ်ကြည့်စေလိုပါတယ်။

a) Small Gain Value

b) Zero Gain Value (Default 0-5V or 0-20mA)

c) Large Gain Value တို့ဖြစ်တယ်။

    Small Gain Value က Digital Reading လုပ်ရင် Step တွေက ကြီးတယ်။ ဥပမာနဲ့ပြောရရင် 0V ကို 0 Digital လို့သတ်မှတ်ပြီးတော့ 5V ကို 1000 လို့သတ်မှတ်မယ်ဆိုပါတော့။

Gain = ( 5 -0 ) / (1000 - 0 ) = 5 / 1000 = 0.005V = 5mV

    1 Digital တိုင်းမှာ 5mV ထွက်တယ်လို့ဆိုလိုပါတယ်။

    အခု Zero Gain Value ဖြစ်တဲ့ဟာက သူ့နဂို Default အတိုင်းပဲတွက်ရတာ။ 0V ကို 0 Digital နဲ့ 10V ကို 1000 လို့သတ်မှတ်ထားမယ်။

Gain = ( 10 - 0 ) / ( 1000 - 0 ) = 10 / 1000 = 0.01V = 10mV

    1 Digital တိုင်းမှာ 10mV ထွက်တယ်လို့ ဆိုလိုပါတယ်။

    Large Gain Value ကတော့ Digital Reading ထဲက Step တွေကသေးသွားတယ်။ ဥပမာပြရရင် 0V ကို 0 Digital နဲ့ 15V ကို 1000 လို့သတ်မှတ်ထားခဲ့ရင်

Gain = ( 15 - 0 ) / ( 1000 - 0 ) = 15 / 1000 = 0.015V = 15mV

    1 Digital တိုင်းမှာ 15mV ထွက်တယ်လို့ ဆိုလိုပါတယ်။

    ပြန်ပြီးတွက်ထားတာ တွေကိုကြည့်ရင် Analog ရဲ့ Range တွေက နည်းလေလေ Gain က သေးသေးလေလေဖြစ်ပြီးတော့  Range တွေက ကြီးလာလေလေ  Gain တန်ဖိုးကြီးလာလေလေဖြစ်ပါတယ်။

Offset

    Offset ကတော့ Digital တန်ဖိုး သုညမှာရှိတဲ့ Calibration Line ရဲ့ Position ပေါ်မူတည်ပါတယ်။ သူ့မှာလည်း သုံးခုရှိပါတယ်။

d) Negative Offset

e) Zero Offset

f) Positive Offset တို့ဖြစ်ပါတယ်။

    Negative Offset ဆိုတာက သူ့ရဲ့ စမှတ် Minimum Value ကို Zero ကနေစတာမဟုတ်ပဲနဲ့ Negative Value ကနေစတာပါ။ ဆိုလိုတာက -4mA to 20mA လိုပုံစံပေါ့။

    Zero Offset ကတော့ရှင်းပါတယ်။ Default တန်ဖိုးဖြစ်တဲ့ 0-20mA သို့မဟုတ် 0-5V လိုပုံစံပါ။

    Positive Offset ဆိုတာကတော့ သူ့ရဲ့ စမှတ် Minimum Value ကို Zero ကနေ စတာ မဟုတ်ပဲ, Positive Value ကနေ စတာပါ။ ဆိုလိုတာက 4mA to 20mA လိုပုံစံပေါ့။

    နိဂုံးချုပ်အနေနဲ့ကတော့ Gain တန်ဖိုးတွက်ရင် Analog Range ကိုတည်ပြီးတော့ Digital Range နဲ့စားပေးရမယ်။ Analog Range ကို နှုတ်တဲ့အခါ Offset ရဲ့ လက္ခဏာ ရောထည့်ပြီးစဥ်းစားပေးရပါမယ်။ ဥပမာ -1V to +5V ဆိုရင် သူ့ရဲ့ Range က

Analog Range = 5 - ( -1 ) = 5 + 1 = 6 ဆိုပြီးရမှာပါ။

ဒီနေရာမှာ စဥ်းစားစရာတစ်ခုက အကယ်၍ PLC ရော Analog Device ပါ 0-20mA တို့လိုမျိုး Minimum တန်ဖိုး Zero အခြေအနေကို လက်ခံခိုင်းတဲ့ ဟာမျိူးဖြစ်နေရင် 4-20mA ပုံစံမျိုးချည်းပဲ မသုံးစေချင်ပါဘူး။ အခုနက ကျွန်တော်ပြောခဲ့သလိုပဲ Offset ကိုလိုသလို ညှိယူလို့ရပပါတယ်။ Offset တန်ဖိုးကောင်းကောင်းသုံးတတ်ရင် Gain တန်ဖိုးကိုလည်း ကောင်းကောင်းသုံးနိုင်မှာပါ။

Reference : Mitsubishi's 4AD Manuel Book