4-20mA & 0-20mA Analog Input Sensor

    အခုတလောကတော့ Course တစ်ခုကနေပဲ စာတွေလေ့လာဖြစ်တယ်။ Delta နဲ့သုံးထားတဲ့ Analog အကြောင်းရောက်ပြီဆိုတော့ သူရေးထားတဲ့ Program တွေကိုပြန်ရေးပြီးတော့ လုပ်ကြည့်တာပေါ့။ အခုကတော့ Scaling လုပ်ထားတဲ့ Function Block ကိုဆောက်ထားတာ။ ဘယ်လိုအလုပ်လုပ်လည်းဆိုရင် တကယ့် အပြင်လောက က Actual Max နဲ့ Min Position နဲ့ PLC ထဲကိုရောက်လာမယ့် Max နဲ့ Min Decimal ကို Function Block ထဲမှာ ကြိုက်တဲ့ တန်ဖိုးကိုသွင်းပြီးတော့ Sensor ရဲ့ Decimal တန်ဖိုးကနေ လက်တွေ့ဘ၀ က Unit တွေဖြစ်တဲ့ Meter တို့ °C တို့ လိုမျိူးကို ပြန်ပြီး Scale လုပ်တဲ့သဘောပေါ့။အခုဟာကတော့ အဲ့ဒီ Course ကသင်ပြတဲ့ အကြောင်းအရာတစ်ခုကိုပြောချင်တာ။

    0-20 mA နဲ့ 4-20 mA ရဲ့ကွာခြားချက်က အဲ့ဒီ ၂ခုစလုံးရဲ့ Min Value ကမတူဘူး။ 0-20 mA မှာဆိုရင်  သုညက Min Value ပဲ။ 4-20mA မှာဆိုရင်တော့ 4mA က Min Value အနိမ့်ဆုံးပဲ။ 0-20 mA သုံးရင် Bit Resolution က 4-20mA ထက်စာရင် Gain Value က နည်းနည်းပိုစိပ်တော့ကောင်းတာပေါ့။ မကောင်းတာတစ်ခုကဘာလဲဆိုရင် အကယ်၍ 0-20mA သုံးပြီးတော့ အကယ်၍ ကြားထဲမှာError တတ်နေလို့ Troubleshoot လုပ်ခဲ့ရင်  Sensor က တစ်ခုခုဖြစ်ရင် Sensor ​ပျက်တာလား Object က Detect မဖြစ်တာလားဆိုတဲ့ ကိစ္စကရှိလာပြီ။ အဲ့လိုမျိုးကိစ္စတွေ မလိုချင်ဘူး Gain Value လည်းအရမ်းစိပ်နေစရာမလိုဘူးဆိုရင် 4-20mA ကိုသုံးတာ အကောင်းဆုံးပဲ။

    4-20mA မှာဆိုရင် Decimal Value အနိမ့်ဆုံး Zero က 4mA နဲ့ အမြင့်ဆုံးကတော့ 20mA ပဲ။ အကယ်၍ Sensor ပျက်သွားရင်တော့ အဲ့ဒီ 4mA က ပြမှာမဟုတ်တော့ပဲ 0mA ပဲပြမှာပါ။ အဲ့တာဆိုရင် Sensor ပျက်တာ သို့မဟုတ် Sensor Wiring ကတစ်ခုခုဖြစ်နေတာဆိုတာသိသာပါပြီ။